TANGGUNG JAWABKU NGASUHI RAS MPEBELINKEN ANAK

Bahan PA MAMRE GBKP

Tanggal 07-13 September 2014

Ogen      : Ester 2:5-9

Tujun     :

1. Gelah Mamre sedar kerna keberadaanna sebage orang tua e me ngasuh ras mpebelin anak
2. Ndalanken tanggung jawab enda, la gia lit anakna banci nandangi anak keluarga ntah teman sebab e hakekatna

Ibas oratenta sendah i babai kita ibas suasana HUT Permata si pe 66 ken. Kidekah 66 tahun, tentuna enggo melala nge pengalamen kategorial PERMATA enda. Tentuna siniharapken kita bahwa kategorial PERMATA enda ula sempat terhenti i tengah dalan, erkiteken mbuena gundari godaan-godaan duniawi man anak-anakta enda. 

Secara kategoral memang PERMATA lebih tua dari MAMRE. Erkiteken MAMRE masih berumur 19 tahun. Namun secara psikologis, maka wajar me Mamre menjadi pengawas, pembimbing ras pe pemotivasi Permata gelah tetap megegeh kinitekenna, janah kegiatan rohanina pe tetap erdalan.

Sebagai Mamre si erkiniteken, tentuna kita la terlepas ibas tanggung jawab ibas pekena-kena anak-anakta. Labo saja anak sinipupus kita, tapi anak-anak siisekitarta, anak seninata, anak turangta, e pe menjadi tanggung jawab ta guna pekena-kena ras pebelinkenca. Siidah ndai uga Mordekai ngasuhi turangna sembuyak bapa si Ester, erkiteken Ester enggo melumang. Janah ibas ia ngasuhi si Ester, tetap ibahanna gelah Ester danci maju ras metunggung masuk ku istana raja Persia masa sie.

Jadi, ibas mbelin tanggung jawabnta enda, tetap kita erpengendes ku Dibata, segelah anak-anakta Permata danci lebih maju, megegeh kinitekenna guna menepis godaan-godaan duniawi si sangana merajalela enda. 

TUTUS, BUJUR RAS ITEMANI TUHAN

Bahan PJJ GBKP Tanggal 31 Agustus 2014 s.d 06 September 2014

Ogen       : I Samuel 3:15-21

Oratenta ibas minggu sisendah nuduhken uga ketutusen Samuel ibas dalanken kerina perintah Dibata. Samuel sebage anak muda ibas masa si e, tuhu-tuhu tutus ibas erlajar ras erdahin ibas rumah Tuhan. Janah ia pe tubuh ibas keluarga si tutus, orangtuana pe mendukung ras merelaken anakna Samuel guna erdahin ibas rumah pertoton. 

Adi si oge kitap Samuel enda ibas pemenana nari, maka ia me anak sintua ibas Elkana ras Hanna. Elkana ras Hanna ndekah maka dat pupusna, emaka mindo kel ia man Dibata gelah ibereken tuah, janah erpadan ia man Dibata makana anak epagiipersembahkenna man Tuhan. Maka ngenakel ate tuhan janah tubuh me Samuel arah pasangen enda. Ibas ketutusen Hanna, maka kenca Samuel enggo ras Nabi Eli i rumah pertoton, maka tiap tahun Hanna mbereken sada baju si Badia man paken Samuel, baju e iberekenna tupung ia ras perbulangenna nehken persembahen ku rumah pertoton. 

Kai siidah ibas Hanna ras Elkana enda, nuduhken ketutusenna ibas mendukung Samuel ibas pendahinna ibas rumah pertoton. Uga nge kita ibas jabuta? Enggo nge kita saling mendukung guna kemajuan anakta, terlebih kemajuan rohani anak-anakta? Ntah mawen kita ka nge si ngolangi anakta ibas ia ersembah ku Dibata? Ku sekolahna nggit kita jadi antar jemputna, tapi ibas kegiaten gereja la kita ersuruh guna antar jemputsa. La siakap menjadi kewajibenta sebagai orang tua guna naruhken ras mbereken pemeteh kerna Kata Dibata man anak-anakta. Siserahken saja anak2 ta mencari tahu sendiri. Janah kita pe la nggit nuduhken contoh nyata ibas tindakennta kerna mbiar man Dibata. Sebab kita sendiri pe labo ertutus ate man Dibata.

Ibas jaman sigundari kita harus prihatin ngenehen perkembangen anak-anak sigundari, terlebih ibas anak-anak si memasuki usia dewasa. Ntahpe ibas gerejata ikataken anak PERMATA. Enggo melala "paken" si lamehuli si ipake anak-anak sigundari. Terlebih ibas jaman internet enda melala hal si negatif si danci mempengaruhi anak-anak, walau pe labo kerina si bas internet si la bujur, tapi adi sibujur kurang menarik iakan anak sigundari. Anak sigundari mesukah kel terpengaruh, mengidolaken doni enda, mbue tuntutenna segelah ianggap keren. Anak si tutus ku gereja la ianggap gaul, ntahpe lebay nina gundari. Siidah melala nge singuda-nguda bene kengudanna hanya karena termakan rayuan dilaki arah facebook, sikin labo pernah itandaina. Ija ka siidah anak perana si nggo mabuk2. Sakau ntahpe ketergantungen obat terlarang. Ijemda me harus lit peranta sebagai orang tua guna menghambat perkembangen silamehuli enda. Uga carana? Tentu kita harus bisa menjadi Elkana ras Hanna enda ndai, si nggit mendukung anak-anak guna nandai Tuhan, singgit nikapken "paken"si mehuli man anak-anakta. Ula ka kita menjadi orang tua yang tidakmau tahu dengan perkembangen ras pergaulan anakta? Gundari jamanna orangtua harus mampu menjadi sahabat man anak2ta. Ula si peturut anakta ergaul ras doni enda alu la mereken sada pengawasen. Si idah uga nge ndai ukumen Dibata man Eli ras anak2na. Nggit kin kita dat ukumen e ara Dibata bagi nabi Eli ndai? Tentuna kita lebih nggit dat pasu-pasubagi siialoken Elkana ras Hanna ndai. Gelah arah kita danci tumbuh bibit-bibit muda, si nggit tutus ndahiken dahin Tuhan. Tubuh "Samuel-Samuel" muda arah jabuta nari. Adi e kapndu sialoken tentu meriah ras malem kel ateta. Dibata simasu-masu kita. Amin.

KATAKEN SI TUHU

Bahan PJJ tanggal 24-30 Agustus 2014

ogen   : Jeremia 28:1-7

Tujun  : 

• Gelah ngawan ni perpulungen meteh kai ulihna adi ngataen kata si tuhu
• Gelah ngawan ni perpulungen tetap ngataken situhu i bas kegeluhenna

Bahannta ibas berngi sisendah ibas Jeremia 28:1-7 Menceritaken keadaan bangsa Juda si nggo i angkut i Yerusalem nari ku Babel. Erkiteken bangsa enda enggo nadingken Tuhan, janah bangsa enda ndatken hukumen ibas Dibata nari sebagai budak i Babilonia. Janah memang rencana Dibata maka Raja Babel pada masa si e Raja Nebukadnesar eme wakil Dibata man Bangsa Israel, emaka bangsa Israel wajib patuh man kerina perentah Raja Nebukadnesar, enda danci sioge ibas Jeremia 27:5-9.

Ibas Jeremia 28:1-4, siidah sekalak Nabi i kuta Gibeon narie emekap Hanania ngataken maka, Bahwa Kerajaan Babilon akan dihancurkan oleh Dibata, emaka Bangsa Isreal danci bebas ibas kuasa Nebukadnesar nari. Enda iturikenna segelah bangsa Israel melakukan perlawanan ibas kuasa Nebukadnesar nari. Pernyataan sienda me si ipatahkan oleh Jeremia maka ngatakenca bangsa Israel la danci bebas ibas kuasa Babilon adi la mulihken ia ku Dibata.

Jadi siidah uga Hanania selaku nabi enggo nurikan sila tuhu guna memancing keributan ras perlawanen ibas kuasa Dibata nari. Enggo jelas ndai situriken maka Dibata jine enggo nentuken maka ise silapatuh man Nebukadnesar berarti ia enggo ngelawan Dibata. Emaka kai sikataken Hanania hanya untuk memuaskan bangsa Isreal dalam sifat keduniawian saja. Labo peraten Dibata si ipesehna, tapi sura-surana saja.

Ibas jamanta sigundari enda pe banci nge siidah, maka enterem dengan nge manusia si ngerana lanai ngukuri akibat negatif si itimbulken perkataanna. Hanya peseh gelah megah iakap kalak, gelah kerina kalak menghormati ia, tapi kai siikatakenna hanya polesan lidah saja. Labo situhu-tuhuna sikatakenna. Enda me sada perilaku si umum enggo terjadi ibas jamannta sisendah. Siidah me uga para politikus melakukan kampanye alu janji-janji manis segelah danci sura-surana erdalan, kenca sura-surana erdalan janji ndai hanya tinggal janji. Ula padah kita berbicara ibas dunia politik, i bas gereja ras perpulungen pe enda megati terjadi. Erkiteken melala ije kepentingan2 pribadi si iperlukan, labo kepentingen Dibata. Ibas kesehariannta, rusur nge siidah kejadin-kejadin si iceritaken man teman alu itambahi bumbu-bumbu manis, e maka sada cerita danci ertambah ceritana menjadi 5, ntah pe danci jadi 10. Enda erkiteken meriah dengan siakap nambahi cerita, segelah ranannta danci lebih meriah. Misalna mungkin lit si begi kesalahen teman, danci kesalahen enda si pembarken man jelma sinterem sementara kita sendiri pe labo sieteh kepastian ceritana. Emaka selaku kalak kristen, labo payo adi kita menceritaken sada kejadin sibas kita pe labo jelas kel kondisina, pangen adi enggo sibegi hal sibage rupana, kita langsung konfirmasi man jelmana asangken kita ternungkun-nungkun kita, raspe si ceritaken man teman sideban kejadin si bas kita sendiri pe langa bo jelas.

Apaika ibas pembarken kata Dibata, ula kari kita ngasup ngerana kerna kata Dibata, sedangken kita sendiri pe labo ngasup ndalankenca. Bagi si idah ibas bimbingenta ndai. kita ngajari kalak ula rubat ibas rumah tangga, adi rubat ertoto kam lebe ninta man jabu temanta, sementara kita sendiri pe labo mehuli perdalanen rumah tangganta me erbual nge kita. 

Nuriken sada hal alu kata Tuhu memang kadang mengandung resiko man banta, tapi setuhuna adi arah kitab Jesaya 28 enda siidah maka lebih beresiko nge nuriken hal si la Tuhu, sebab mate nge akibatna. Labo kita saja si mate, jelma simbegikenca pe danci ikut mate. Mate maksudna ijenda labo langsung icabut nyawata bagi Hanania masa sie, tapi danci erbanca kita lanai terteki, si mbegi-mbegi pe danci salah perbahanenna perbahan kita.

Jadi selaku anak Kristus, marilah kita berupaya ngerana alu situhuna terlebih kerna kata Dibata. Gelah nterem jelma danci iselamatken arah kata-katanta. 

Dibata simasu-masu.

KEPATE NANDANGI SEKELEWETNDU

Bahan PJJ Mamre GBKP 

Tanggal : 24 - 30 Agustus 2014

Ogen  : Nehemia 1:1-4

Tujun  : Mamre Peturah rasa kepedulian nandangi kecibal ija ia nggeluh

Ibas bahan PA Mamre sekalenda iajuk kita gelah peduli nandangi kejadin-kejadin ibas doni enda, negara, daerahta terlebih khususna sekitar inganta tading. 

Arah Nehemia 1:1-4 enda, Ibabai kita ibas masa kondisi Yerusalem ntah pe kerajaan Juda setelah bangsa Israel ibuang ku Babil erkiteken kelapatuhenna nandangi Dibata. Enggo sioge uga sekalak Nehemia si masa sie erdahin sebagai juru masak istana i kerajaan Persia, jumpa ras kekelengenna eme seninana Hanani si reh i Yerusalem nari. 

Sieteh maka erkiteken kelapatuhen bangsa Israel man Dibata, maka kuta Yerusalem enggo i serang Kerajaan Babil janah kerina bangsa Israel i buang ku Babil sebagai Budak. Janah ibas masa serangan bangsa Babil ku Yerusalem, bangsa Babil menghancurken Yerusalem la ketadingen pe Rumah Pertoton ikut ihancurken oleh bangsa Babil. Bangsa Babel i jajah oleh Kerajaan Persia ibas kepemimpinen raja Kores, Raja kores nge si mulahi Bangsa Israel maka danci mulih ku Yerusalem. Nehemia erdahin sebagai juru masak istana Raja Kores enda.

Mbegi berita kerna keadaan si la mehuli i Yerusalem maka minter Nehemia kundul janah tangis, ras ikut pe ia erpuasa piga-piga wari ras ertoto man Dibata guna kiniulin Yerusalem ( Nehemia 1:4). Adi sioge seterusna kitap Nehemia enda, makana Nehemia labo terjeng erceda ate ras ertoto saja, tapi nggit ia nadingken kenyamanen geluhna i Kerajaan Persia guna mulih ku Yerusalem segelah danci ia turun tangan guna pekena-kena Yerusalem.(Nehemia 2:11-18)

Arah Bahan PAnta berngi sisendah, kita me "Nehemia-Nehemia" si nggeluh gundari. Uga kita selaku Mamre GBKP makeken ukur ras kai si lit ibas kita guna pekena-pekena lingkungen i sekitar kita erkuta. Lit nge kepedulianta? Ntah la kita mediate kerna lingkungenta? Atau kita merasa bahwa kejadin-kejadin isekitarta enda labo urusennta? Siserahken saja kerina enda ku pemerintah ntah pe perangkat-perangkatna. Ibas kerina permasalahan ibas lingkungenta, ikut nge kita berperan guna pekenasa? Atau malah kita ka nge ikut berperan ibas kehancuren enda? Adi sinen lingkungenta, ntah lit turang seninata si nggeluh i teruh garis kemiskinen, turahna alu subur pinakit-pinakit masyarakat siterjadi i lingkungenta, masalah kebersihen lingkungenta,ras masalah-masalah si deban si terjadi i lingkungenta, lit nge peranta ibas pesikapta? Lit nge kita kepate ibas kejadin enda, ula lebe ndahikenca, nggit nge kita ertoto man Dibata guna mindo perkuah ate Dibata guna pesikap kerina permasalahen-permasalahen enda.

Mari kite kerina Mamre GBKP, ibas kerina status sosialta, ersada lah kita guna pesikap-pesikap kerina si la mehuli ibas lingkungenta, gelah arah tindakenta enda, ermulia gelar Dibata, janah erteremna kalak si nandai Dibata. Dibata si Masu-masu kita kerina. Amin.